LA Tenorio na-diagnose na may Stage 3 colon cancer
Ibinunyag ni Barangay Ginebra star player LA Tenorio na mayroon siyang Stage 3 Colon Cancer.
Sa kaniyang opisyal na pahayag na ibinahagi sa website ng PBA, sinabi ni Tenorio na ito ang dahilan kung bakit hindi siya nakapaglaro at hindi rin nakapag-ensayo sa nagdaang mga linggo.
Noong nakaraang linggo sinabi ni Tenorio na sumailalim siya sa surgery.
Susundan aniya ito ng treatment sa mga susunod na buwan.
Ayon kay Tenorio, buong buhay niya ay inialay niya sa basketball dahil sa kaniyang pagmamahal sa laro.
Gayunman, may mga pangyayari at sitwasyon na hindi niya kontrolado.
Sinabi ni Tenorio na hindi pa naman siya magreretiro sa basketball at sa tulong ng magagaling na doktor dito sa Pilipinas at sa Singapore ay naniniwala siyang makababalik siya muli sa paglalaro. (DDC)
