34 na pamilya nawalan ng tirahan sa sunog sa Cebu City
Umabot sa 34 na pamilya ang nawalan ng tirahan sa sunog na sumiklab sa Brgy. Inayawan, Cebu City.
Naganap ang sunog umaga ng Biyernes, March 17 sa Sitio Little Plaza sa nasabing barangay.
Ayon sa Cebu City Fire Office, tumagal ng halos isang oras ang sunog at mabot sa 18 ang natupok na mga bahay.
Sa pagtaya ng mga otoridad, umabot sa P900,000 ang halaga ng mga natupok na ari-arian.
Isang residente naman ang nasawi matapos atakihin sa puso habang nangyayari ang sunog.
Inaalam pa kung ano ang pinagmulan ng apoy. (DDC)
