Coronation night ng Miss Universe Philippines sa Baguio City gagawin
Ang Baguio City ang magsisilbing ‘host’ para sa coronation ng 2020 Miss Universe Philippines.
Gaganapin ito sa October 23 hanggang 25 2020 sa Baguio Country Club, Cordillera Convention Hall.
Ayon kay Baguio City Mayor Benjamin Magalong, sa susunod na dalawang araw, darating sa Baguio by batch ang 48 contestants at magsasagawa ng photoshoots sa mga tourist spots sa Benguet.
Tiniyak ni Magalong na dadaan sa basic border protocols ang mga organizer at kandidata ng pageant bago makapasok sa lungsod.
Mananatili sa Baguio City ang mga kalahok hanggang sa October 25.
Habang sila ay nasa Baguio, sila ay mananatili sa Baguio Country Club at ang coronation night ay gagawin ng closed doors.
