Isa sa mga suspek sa pagpatay kay Negros Oriental Gov. Degamo napatay sa hot pursuit operations ng pulisya

Kinumpirma ng Police Regional Office 7 na napatay sa hot pursuit operations ng pulisya ang isa sa mga suspek sa pagpatay kay Negros Oriental Gov. Roel Degamo.

Sa inilabas na pahayag ng PRO-7, habang nagsasagawa ng operasyon ang mga otoridad sa Sitio Punong, Brgy Cansumalig, Bayawan City, napatay sa palitan ng putok ang isa sa mga suspek.

Sinabi din ng pulisya na nagpapatuloy pa ang pagtukoy sa sa pagkakakilanlan ng suspek.

Patuloy din ang pagtugis sa iba pang nasa likod ng krimen.

Na-recover naman ng pulisya ang sumusunod na mga armas at gamit:

-apat na assault rifles (5.56 mm)
-isang B40 (RPG w 5 ammo
-apat na Bandolierw na fully loaded
-isang rifle case
-dalawang combat uniforms
-isang grey sweatshirt
-tatlong pares ng combat shoes
-isang cal 5.56 na may anim na magazine
-dalawang magazine ng cal 45 na may 9 mna bala at 177 cal 5.56 mm cartridges
-isang RPG
-dalawang bullet proof vests