Face-to-face classes ng public schools sa Las Piñas City suspendido

Suspendido pansamantala ang face-to-face classes sa mga pampublikong paaralan sa Las Piñas City mula sa araw ng Lunes at Martes, Marso 6 at 7 dahil sa nakaambang transport strike o tigil pasada.

Ayon kay Mayor Imelda Aguilar, ang Schools Division Office ng Las Piñas ay nakahanda naman sa pagpapatupad ng online classes bilang alternatibong paraan ng pagtuturo sa mga mag-aaral.

Ipinauubaya naman sa mga pribadong paaralan o private schools ang pagpapatupad ng kanilang pamamaraan ng pagtuturo na makabubuti sa kanilang mga estudyante.

Para sa iba pang detalye tungkol sa klase sa mga private schools sa lungsod ay mangyari lamang na makipag-ugnayan sa nakakasakop na school directors. (Bhelle Gamboa)