Rollback sa presyo ng LPG ipinatupad ng mga kumpanya ng langis

Nagpatupad ng mahigit P30 na rollback sa presyo ng kada tangke ng LPG ang mga kumpanya ng langis.

Sa abiso ng kumpanyang Petron, may rollback na P3.50 sa presyo ng kada litro ng kanilang LPG.

Katumbas ito ng bawas na P38.50 sa presyo ng kada 11-kilogram na LPG cylinder.

Nagpatupad din ng rollback sa AutoLPG ang Petron sa halagang P1.95 kada litro.

Parehong halaga din ng rollback sa kanilang LPG at AutoLPG ang ipinatupad ng Phoenix Petroleum.

Samantala, ang kumpanyang Solane naman ay may rollback na P3.54 sa kada kilo ng kanilang LPG o P38.94 na bawas sa kada 11-kilogam cylinder.

Epektibo ang rollback ngayong unang araw ng Marso. (DDC)