25 Pinoy galing Turkey nakauwi na ng bansa

Dumating na sa bansa ang 25 na repatriates galing sa Turkey.

Ayon sa Overseas Worker Welfare Administration (OWWA) paunang batch ito ng mga Filipino galing Turkey matapos ang pagtama ng malakas na lindol doon.

Ang mga umuwing Pinoy ay lulan ng flight QR932 at dumating sa NAIA Terminal 3.

Labing-anim (16) sa mga dumating na repatriates ay mga bata o menor de edad.

Sinalubong sila ni Usec. Eduardo de Vega ng Department of Foreign Affairs (DFA), DMW-OWWA Repatriation and Assistance Division Director Regina Galias, OWWA Airport Team at mga NAIA personnel.

Ang repatriation sa mga Pinoy ay pinangasiwaan ng DFA habang pagdating nila sa bansa ay inasikaso naman sila ng DMW-OWWA at binigyan ng airport assistance. (DDC)