Colorum premium taxis nahuli ng I-ACT

Dalawang colorum na premium taxis na bumibiyahe mula Cavite – Ayala, Makati at Rizal – Cubao, Quezon City ang nahuli ng mga otoridad.

Ang dalawang premium taxi ay nahuli sa ikinasang operasyon ng InterAgency Council for Traffic, Land Transportation Office, at Philippine Coast Guard.

Sa halip na bumiyahe bilang taxi ay naging istilong UV express ang biyahe ng dalawang nahuling tsuper.

Halos 18 pasahero ang sakay ng parehong van na naningil ng mahigit P200 na pamasahe kada pasahero.
Parehong impounded ang mga nahuling sasakyan.

Maliban sa dalawang premium taxi, 8 pang PUV ang nahuli sa Macapagal Boulevard dahil sa paglabag sa batas trapiko at pagbiyahe ng depektibo ang sasakyan at may basag ang windshield. (DDC)