Top 1 Most Wanted Person ng Cebu, arestado sa kasong murder

Naaresto ang tinaguriang Top 1 Most Wanted Person ng Cebu sa kasong ‘Murder’ sa joint operation na ikinasa ng Cebu City Police Office (CCPO), Criminal Investigation and Detection Group (CIDG) Lapu-Lapu City Field Unit (CFU), at ng Regional Intelligence Unit (RIU) 7 sa Brgy. Pahina Central sa lungsod.

Ayon kay Police Lieutenant Colonel Dexter M Calacar, Force Commander CMFC, inilunsad ng mga otoridad ang operasyon na humantong sa pagkakaaresto kay Rodel Canoy, 35 anyos.

Inaresto si Canoy sa bisa ng warrant of arrest sa kasong ‘Murder’ na inisyu ng korte sa Cebu City.

Kasalukuyang nakakulong ang akusado sa CIDG Lalu-Lapu CFU habang inihahanda ang mga kaukulang dokumento para sa tamang disposisyon.

Ang matagumpay na pagkakadakip sa akusado ay bunga ng pinaigting na pagpapatupad ng mga otoridad sa kampanya laban sa kriminalidad at bahagi ng pakikipagtulungan ng komunidad. (DDC)