Agila sumabit sa lambat, nailigtas ng mangingisda sa Cagayan
Nasagip ng mangingisda na si Felipe Burigsay Jr. mula sa Barangay Mabnang, Claveria, Cagayan ang isang Philippine Hawk Eagle na sumabit sa kanyang lambat.
Sa Facebook post ni Claveria Mayor Lucille Angelus Guillen Yapo, nagtungo sa ilog si si Burigsay para tingnan kung may huling isda ang inilagay niyang lambat nang dumating ang agila para dakmain ang kaniyang huli, subalit sumabit ito sa lambat.
Ang Philippine Hawk Eagle ay isang uri ng agila na itinuturing na ring endangered species.
Agad dinala ng nasabing mangingisda ang agila sa LGU Claveria.
Ayon kay Yapo, naibigay na sa pangangalaga ng Department of Environment and Natural Resources (DENR)-CENRO Sanchez Mira ang ang Philippine Hawk Eagle. (DDC)
