Mag-iina patay sa sunog sa Pasay City

Nasawi ang ginang at dalawa nitong anak nang sumiklab ang sunog sa isang residential area sa B. Mayor Street, Barangay 177, Malibay, Pasay City dakong alas-9:50 ng umaga ng Martes, Pebrero 21.

Kinilala ang mga nasawi na si Mary Ann Maglino Maglaya, 29, mga anak nitong sina Evzenkhion Rivas, 5-anyos, at Xzanavion Rivas, 2-taong gulang.

Habang nasugatan naman sa sina Mark Christian Rafol,5-anyos, (lapnos sa kanang siko); Frederick Ignacio,45-anyos (nahiwa sa noo); at Antonio Padilla,56-anyos, (lapnos sa leeg,kamay at kaliwang paa).

Ayon pa sa report,umabot sa unang alarma ang sunog at idineklarang fireout bandang alas-10:16 ng umaga.

Tinatayang P75,000 na halaga ng mga ari-arian ang napinsala habang anim na pamilya ang naapektuhan sa naganap na sunog sa lugar.

Samantala agad nagpunta at nakiramay si City Mayor Emi Calixto-Rubiano sa namatayan at nagdala ng relief packs sa mga nasunugan.

Nagsasagawa ng masusing imbestigasyon ang Pasay City Bureau of Fire Protection upang alamin ang sanhi ng sunog sa lugar. (Bhelle Gamboa)