Pag-imprenta ng balota na gagamitin sa idaraos na plebisito sa Marawi City sisimulan na ng Comelec

Sisimulan na ng Commission on Elections (Comelec) ang pag-imprenta sa mga balota at iba pang accountable forms na gagamitin sa idaraos na plebisito sa Marawi City.

Ang plebisito ay isasagawa sa March 18, 2023 para sa paglikha ng mga Barangay Boganga II at Barangay Datu Dalidigan sa lungsod.

Ayon sa Comelec, sisimulan ang pag-imprenta ng mga opisyal na balota sa February 23 sa APO Production Unit Inc. sa Bicutan, Parañaque City.

Maaaring masaksihan ang pag-imprenta ng mga balota sa pamamagitan ng livestream sa Facebook page at YouTube channel ng Comelec. (DDC)