Klase at pasok sa trabaho sa Masbate City sinuspinde matapos ang pagtama ng magnitude 6.0 na lindol

Suspendido ang klase sa mga paaralan sa Masbate City, Masbate kasunod ng pagtama ng manitude 6.0 na lindol doon Huwebes (Feb. 16) ng madaling araw.

Batay sa memorandum na nilagdaan ni Masbate City Mayor Socrates Tuason, suspendido ang klase sa lahat ng antas sa lungsod, public at private.

Sinuspinde din ni Tuason ang pasok sa trabaho sa gobyerno.

Ito ay para mabigyang-daan ang pagsasagawa ng inspeksyon at monitoring sa structural integrity ng mga gusali at tanggapan sa lungsod.

Hindi naman sakop ng suspensyon ang mga ahensya na ang tungkulin ay may kinalaman sa pag-deliver ng basic at health services, preparedness at response sa disaster at calamities. (DDC)