Mag-live in partner at 1 pa, arestado sa sinalakay na drug den sa Cebu City

Inaresto ng mga tauhan ng Philippine Drug Enforcement Agency (PDEA) Region 7 ang tatlong katao sa sinalakay na drug den sa Barangay Labangon sa lungsod.

Ikinasa ng mga tauhan ng PDEA 7, at Cebu City Police Station 10 ang operasyon sa Sitio Upper Cogon na nagresulta sa pagkakalansag sa drug den.

Nadakip sa operasyon ang mag live-in partner na sina Arvin Arbon na siyang maintainer ng drug den at si Mary Ann Sirad.

Naaresto din si Niño Quijano na dinatnan sa drug den.

Nakumpiska sa kanila ang 8 pakete ng hinihinalang shabu na tinatayang aabot sa 12 grams ang bigat at nasa P81,600 ang halaga.

Mahaharap ang mga suspek sa kasong paglabag sa RA 9165. (DDC)