Klase sa Governor Generoso, Davao Oriental suspendido ngayong araw; ilang barangay nakaranas ng pagbaha

Suspendido ang klase ngayon araw sa bayan ng Governor Generoso sa Davao Oriental.

Sa inilabas na Executive Order ni Governor Generoso Mayor Juanito Inojales, walang pasok ang mga mag-aaral sa lahat antas dahil sa naranasang pagbaha at landslide sa munisipalidad.

Noong Martes, Feb. 14 ay nakaranas ng patuloy na pag-ulan sa nasabing munisipalidad dahil sa umiiral na Low Pressure Area (LPA).

Ilang pamilya ang kinailangang ilikas matapos bahain ang kanilang mga tahanan.

Namahagi na ang pamahalaang lokal ng food packs at relief goods sa mga naapektuhang pamilya sa Barangay Monserat at Barangay Tamban. (DDC)