Pangulong Marcos at Ukrainian President Volodymyr Zelenskyy nagkausap sa telepono

Nagkaroon ng pagkakataon para magkausap sa telepono sina Pangulong Ferdinand Marcos Jr. at Ukrainian President Volodymyr Zelenskyy.

Sa kaniyang official twitter account, ibinahagi ng pangulo na kaniyang nakausap si Zelenskyy nong Lunes, Feb. 13.

Sinabi ng pangulo na hinahangaan niya ang katapangan at pagmamahal sa bayan na ipinapakita ng mga Ukrainian sa kabila ng kinakaharap na krisis ng kanilang bansa.

Siniguro din ng pangulo ang suporta ng Pilipinas sa pagkakaisang hinahangad ng bansang Ukraine.

Nag-tweet din si Zelenskyy hinggil sa naging pag-uusap nila ni Marcos.

Nagpasalamat si Zelenskyy kay Marcos sa suporta nito sa soberanya at territorial integrity ng Ukraine. (DDC)