Nasawi sa lindol sa Turkey at Syria mahigit 28,000 na

Umakyat na sa mahigit 28,000 ang bilang ng mga nasawi sa lindol na tumama sa Turkey at Syria.

Ayon sa datos ng mga otoridad, mahigit 24,000 ang naitalang nasawi sa Turkey at mahigit 3,500 naman sa Syria.

Libu-libong rescue workers ang nagtutulong-tulong para mahanap pa ang mga nawawalang indibidwal.

Ayon sa datos ng United Nations, posibleng aabot sa 870,000 ang bilang ng mga taong nangangailangan ng agarang tulong sa dalawang bansa kabilang ang makakain.

Sa Syria pa lamang umabot sa 5.3 million na katao ang pinaniniwalaang nawalan ng tirahan. (DDC)