Singil sa kuryente ng Meralco tataas ngayong buwan

May bahagyang pagtaas sa singil sa kuryente ng Meralco ngayong buwan ng Oktubre.

Ayon sa Meralco, tataas ng P0.12/kwh ang singil sa October 2020 bill bunsod ng pagtaas ng Generation Charge.

Simula noong Mayo ngayon lamang muli nagkaroon ng pagtaas sa overall rate ng Meralco.

Dahil sa bahagyang pagtaas sa singil sa kuryente ang mga consumer na kumokonsumo ng 200 kilowatt hour ay may dagdag na P24 sa kanilang bill.

Sa mga kumokonsumo naman ng 300 kilowatt hour ay P36 ang dagdag sa bill.

P48 naman ang dagdag kung ang konsumo ay 400 kilowatt hour at P60 ang dagdag ang konsumo ay 500 kilowatt hour.