“Express PadaLove” muling binuhay ng PHLPost para sa Valentine’s Day

Sinimulan na ng Philippine Postal Corporation ang programa nitong “Express PadaLove”.

Ayon sa PHLPost, maaaring magpadala ng mensahe sa mahal sa buhay ngayong Valentine’s season.

Maaari nang mag-book para sa Singing Karteros kung nais na maharana ang minamahal.

Puwede ding magpadala ng bulaklak, cards, stuffed toys, chocolates, cakes at iba pa sa pamamagitan ng swift delivery Domestic Express Mail Service.

Kung gusto namang buhayin ang lumang pamamaraan ng pagpapadala ng mensahe ay maaaring magpadala ng liham at gagamitan ito ng Valentine’s Day stamps.

Inanyayahan ng PHLPost ang publiko na bisitahin ang kanilang booths sa Manila Central Post Office sa Liwasang Bonifacio. (DDC)