Stop-and-go traffic scheme ipatutupad sa EDSA-Shaw NB para bigyang-daan ang pagbiyahe ng mga delegado ng 52nd SEAMEO

Magpapatupad ng stop-and-go traffic scheme ang Metropolitan Manila Development Authority (MMDA) sa EDSA-Shaw Boulevard Northbound para sa 52nd Southeast Asian Ministers of Education Organization (SEAMEO) Council Conference.

Sa abiso ng MMDA, ang stop-and-go traffic scheme sa nasabing bahagi ng EDSA ay ipatutupad simula ngayong araw, Feb. 7 hanggang sa Feb. 10, 2023.

Ang mga sasakyan ay pahihintuin para magbigay-daan sa pagbiyahe ng mga delegado sa nasabing pagtitipon.

Magtatalaga ang MMDA ng kabuuang 685 personnel sa lugar para magpanatili ng maayos na daloy ng trapiko. (DDC)