Nasawi sa lindol sa Turkey at Syria umakyat sa mahigit 3,700
Umakyat na sa mahigit 3,700 ang bilang ng mga nasawi sa tumamang magnitude 7.8 na lindol sa Turkey at Syria.
Sa Turkey, bumagsak ang buong apartment blocks kung saan marami ang nadaganan ng debris.
Hirap ang mga rescuer sa kanilang search and rescue operation bunsod ng lagay ng panahon at dahil sa nararanasang aftershocks.
Ito na ang pinakamalakas na pagyanig na naitala ng US Geological Survey mula noong August 2021.
Ayon sa Disaster and Emergency Management Authority, sa Turkey ay umakyat sa 2,316 ang nasawi.
Habang sa Syria ay nakapagtala na ng mahigiy 1,400 na nasawi. (DDC)
