Huling araw ng voters registration posibleng mas pahabain ang oras
Posibleng mas mapahaba ang oras ng huling araw ng voter registration bukas, Jan. 31, 2023.
Hanggang bukas na lamang ang voter registration para sa idaraos na Barangay at SK elections.
Ayon kay Comelec Chairman George Erwin Garcia, habang may tao pang nakapila ay maaaring palawigin ang oras ng pagpaparehistro.
Muli namang nagpaalala ang Comelec sa mga hindi pa nakapagpaparehistro na magtungo na sa Comelec office.
Mayroon na lamang silang ngayong araw at bukas para makapagparehistro. (DDC)
