Davao Occidental niyanig ng magnitude 4.6 na lindol
Tumama ang magnitude 4.6 na lindol sa lalawigan ng Davao Occidental.
Bahagi pa din ito ng aftershocks matapos ang magnitude 7 na lindol na naitala sa lalawigan noong Jan. 18.
Ayon sa Phivolcs, ang epicenter ng lindol ay naitala sa layong 291 kilometers southeast ng Balut Island sa munisipalidad ng Sarangani, 5:22 ng umaga ng Biyernes (Jan. 27).
May lalim na 1 kilometer ang lindol at tectonic ang origin.
Bago ito ay nakapagtala din ng makasunod na magnitude 4.7 at 4.5 na lindol sa Balut Island, 1:25 at 1:33 ng madaling araw. (DDC)
