Clearing ops sa Mabuhay Lanes pinaigting pa ng MMDA
Mas pinaigting pa ng Metropolitan Manila Development Authority (MMDA) ang isinasagawang clearing operation sa Mabuhay Lanes sa buong Metro Manila.
Ayon sa MMDA na malinis at maluwag na madaraanan ang Mabuhay Lanes sa Kamaynilaan kung walang obstructions sa daraanan.
Sa isinagawang clearing operations mula Enero 16 – 21 sa mga kalsada na kabilang sa Mabuhay Lanes, umabot sa 657 ang nahuling sasakyan dahil sa paglabag sa illegal parking habang 243 naman ang na-tow o naimpound.
Limitado ang hanayng MMDA kaya kailangan ang kooperasyon ng mga barangay para sa layuning mapaluwag ang mga pampublikong lansangan para sa mga motorista at mga pedestrian. (Bhelle Gamboa)
