DPWH itutuloy ang repair sa iba pang bahagi ng C5 Ortigas Flyover at C5 Pasig Boulevard Flyover

Muling sasailalim sa pagkumpuni ng Department of Public Works (DPWH) ang pagkumpuni sa bahagi ng C5 Ortigas Flyover at C5 Pasig Boulevard Flyover.

Ayon sa abiso ng DPWH-National Capital Region (NCR), ito ay makaraang matapos ang repair works, sa unang lane ng southbound portions ng dalawang flyover.

Sunod namang sasailalim sa repair ang bridge expansion joint ng inner lane ng dalawang flyover simula sa January 21, 2023 hanggang February 21, 2023.

Ang repair ay gagawin tuwing 10:00 ng gabi hanggang 5:00 ng umaga.

Dahil dito aasahan ang mas masikip na daloy ng traffic sa lugar.

Magugunitang simula noong December 2, 2022 hanggang January 15, 2023 sumailalim sa repair ang 3.5-meter first lane ng southbound portions ng dalawang flyover.

Kabilang sa isinagawa ng DPWH ang chipping works, kasama ang installation ng bagong bridge expansion joints. (DDC)