Publiko binalaan ng SC sa indibidwal na nagpapanggap bilang si CJ Gesmundo
Binalaan ng Korte Suprema ang publiko kaugnay sa indibidwal na gumagamit ng pangalan ni Chief Justice Alexander Gesmundo.
Ayon sa abiso ng Supreme Court – Public Information office (SC-PIO), ang nasabing indibidwal ay nagpapakilalang si CJ Gesmundo gamit ang numero na 09552073094.
Paalala ng SC sa publiko huwag pansinin sakaling makatanggap ng mensahe o tawag mula sa nasabing numero at iba pang phone number na nagpapakilalang si CJ Gesmundo.
Nakipag-ugnayan na din ang SC sa mga kinauukulan para maimbestigahan ang insidente. (DDC)
