Biyahe ng MRT-3 balik sa normal simula bukas Jan. 3

Balik-normal ang operasyon ng MRT-3 simula bukas, ika-3 ng Enero, 2023, matapos magpatupad ng adjusted operating hours ang linya para sa Pasko at Bagong Taon.

Ang unang biyahe ng tren ng ay aalis ng 4:36AM mula sa North Avenue station, at 5:18AM mula sa Taft Avenue station.

Samantala, ang huling biyahe ng tren ay 9:30PM mula sa North Avenue station, at 10:11PM mula sa Taft Avenue station.

Patuloy rin ang mahigpit na pagpapatupad ng health and safety protocols sa buong linya, na tinatawag na “7 Commandments” upang maiwasan ang paglaganap ng COVID-19.

Kabilang dito ang mga sumusunod:

1) Laging magsuot ng face mask at boluntaryo ang pagsusuot ng face shield

2) Bawal magsalita at makipag-usap sa telepono

3) Bawal kumain at uminom

4) Panatilihin ang maayos at sapat na ventilation sa mga PUV

5) Laging magsagawa ng disinfection

6) Bawal sumakay ang mga pasaherong mayroong sintomas ng COVID-19 sa pampublikong transportasyon

7) Sundin ang panuntunan sa appropriate physical distancing (DDC)