Index crime sa Davao City bumaba ng 13 percent
Bumaba ng 13 percent ang index crime sa Davao City kumpara noong 2021.
Sa ulat ng Regional Police Office – 11, nakapagtala ng 1,395 index crime cases ngayong taon kumpara sa 1,610 noong 2021.
Bumaba din ang naitalang non-index crimes sa 23,569 mula sa 31,753 noong nakaraang taon.
Kabilang sa index crimes ang crimes against person and property gaya ng murder, homicide, physical injury, carnapping, at rape.
Habang ang non-index crimes ay kinabibilangan ng paglabag sa mga special laws gaya ng illegal logging at lokal na ordinansa. (DDC)
