P1.5M na halaga ng high-grade marijuana nakumpiska ng BOC
Nakumpiska ng mga tauhan ng Bureau of Customs (BOC) ang aabot sa P1.5 million na halaga ng high-grade na marijuana.
Ang kargamento ay idineklarang “Shisha” at naka-consigne sa isang Mateo Abato na residente ng Cebu City.
Sa isinagawang pagsusuri ng mga tauhan ng BOC sa kargamento, natuklasang naglalaman ito ng Kush Marijuana kaya agad nakipag-ugnayan sa PDEA at NAIA-IADITG para sa chemical laboratory.
Kalaunan ay nakumpirmang Kush Marijuana nga ang laman ng kargamento.
Para matukoy ang may-ari ng kargamento itinuloy ang pagpapadala ng kargamento sa Cebu at doon naaresto ang lalaking claimant.
