“All I Want for Christmas Is You” ni Mariah Carey nag-top sa Billboard sa ikaapat na sunod na taon

Sa ikaapat na sunod na taon, dinomina ni Mariah Carey ang Billboard Hot 100 chart para sa kaniyang kantang “All I Want for Christmas Is You”.

Sa Twitter, nagpahayag ng pasasalamat ang singer habawang hawak ang plaque matapos na muling mag-top sa Billboard Hot 100.

Ito na ang ikaapat na pagkakataon tuwing Holiday Season na nangunguna sa Billboard Hot 100 ang naturang kanta ni Carey.

Ayon sa Billboard, ang “All I Want for Christmas Is You” ang top song ngayong linggo.

Kasunod nito ang “Rockin’ Around the Christmas Tree” ni Brenda Lee at ikatlo ang “Jingle Bell Rock” ni Bobby Helms.

Taong 1994 nang i-release ang “All I Want for Christmas Is You” sa “Merry Christmas” album ni Carey. (DDC)