Coast Guard naka-heightened alert na simula ngayong araw

Simula ngayong araw (Dec. 15), naka-heightened alert na ang Philippine Coast Guard (PCG) para sa Oplan Biyaheng Ayos: Pasko 2022.

Sa Southern Tagalog, puspusan ang pagtatrabaho ng mga PCG personnel para masiguro ang kapakanan at seguridad ng mga biyahero, lalo na sa matataong pantalan.

Mahigpit ang ginagawang inspeksyon ng mga PCG K9 teams sa mga bagahe at kargamento na sakay ng mga barko.

Sinisiguro rin ng PCG na sapat ang mga lifejacket para sa mga pasahero para sa ligtas na paglalayag.

Magpapatuloy ang “heightened alert” hanggang Jan. 7 2023. (DDC)