Voter registration simula na muli ngayong araw

Simula na muli ngayong araw ng Lunes, Dec. 12 ang voter registration para sa idaraos na barangay at Sangguniang Kabataan elections (BSKE).

Magang pumila ang publiko sa mga tanggapan ng Comelec para magparehistro.

Ang registration ay tatagal hanggang Jan. 31, 2023.

Ang mga tanggapan ng Comelec ay bukas mula Lunes hanggang Sabado kabilang ang holidays mula 8am hanggang 5pm.

Mayroon ding binuksang mga satellite registration area ang Comelec sa iba’t ibang parte ng Metro Manila na karamihan ay sa mga mall para mas madali sa mga botante ang makapagparehistro.

Pinayuhan ng Comelec ang publiko na magparehistro na at huwag nang hintayin ang deadline bago magtungo sa mga tanggapan ng poll body. (DDC)