Secret cops magtitiyak ng seguridad ngayong holiday season
Nakahanda na ang National Capital Region Police Office (NCRPO) sa posibleng pagtaas ng street crimes ngayong holiday season.
Ayon kay NCRPO Deputy Regional Director for Operations Brig. Gen. Jack Wanky, magtatalaga ang NCRPO ng mga tauhan na hindi naka uniporme.
Ipakakalat sila sa mga matataong lugar gaya ng shopping malls at iba pang mga dinarayong lugar kapag holiday season.
Ang mga “secret cops” ay may koordinasyon na aniya sa management ng mga mall.
Tuloy din ang pagbabantay ng mga unipormadong police officers sa mga matataong lugar para masiguro ang seguridad ng publiko. (DDC)
