6 arestado sa buy-bust sa isang hotel sa QC

Nadakip ng Quezon City Police District, Galas station 11 ang anim na indibiduwal sa isinagawang
drug bust operation sa harapan ng SOGO HOTEL sa lungsod ng Quezon madaling araw ng Martes, Sityembre 29.

Naganap ang operasyon sa Banawe St. kanto ng Sta. Catalina, Brgy. Siena makaraan magpangap na bibili ng droga si Police Corporal Marlon Balais, at nang magkaabutan ay doon na naaresto ang mga suspek.

Batay sa report ni Lieutenant Glenn Gonzales, hepe ng QCPD-Station on Anti-Illegal Drugs, Galas station 11, isang linggo na minanmanan ang mga suspek at nang magpositibo na sangkot sa kalakaran ng droga ay kaagad na plinano ang buy bust operation na nagresulta ng pagkakaaresto sa mga suspek.

Kinilala ang mga suspek na sina Leisa Abucay alyas “mother”, Helbert Madino, Ma. Theresa Joy Ramirez, Remegio Pangilinan, Jayson Nacario at Christine Uy.

Nakuha sadrug operation ang labin’apat na pirasong plastic sachet naglalaman ng shabu na may street value na aabot sa halos P130,000, empty platic sachets, isang cellphone at buy bust money. (END)