Mga empleyado ng MRT-3, nakatanggap ng flu vaccine

Nasa 300 empleyado ng MRT-3 ang nakatanggap ng flu vaccine sa idinaos na flu vaccination rollout ng pamunuan ng linya sa MRT-3 Depot office.

Ang aktibidad ay inilunsad sa pakikipagtulungan ng MRT-3 sa Quezon City Local Government Unit.

Nagpasalamat naman si MRT-3 General Manager Engr. Federico J. Canar, Jr. kay Quezon City Mayor Joy Belmonte at sa buong Quezon City LGU sa suporta para maisakatuparan ang pagbabakuna.

Ayon kay Canar, malaking tulong ang flu vaccination para maprotektahan ang kalusugan ng mga empleyado na araw-araw na nagtitiyak ng sapat, maayos, at maasahang transportasyon para sa lahat ng mga pasahero. (DDC)