Ilang barangay sa Las Piñas pinarangalan bilang “Most Child-Friendly Barangays”
Nagsagawa ang Pamahalaang Lungsod ng Las Piñas ng awarding ceremony para sa most child-friendly barangays sa lungsod na ginanap sa city hall grounds ng Nobyembre 21.
Ito ay bilang bahagi ng pagdiriwang ng Children’s Month ngayong taon at bigyang-pagkilala ng Las Piñas LGU ang kanyang mga nasasakupang barangay na nagpamalas ng hindi matatawarang pagganap sa mga proyekto para sa kapakanan ng kabataan.
Napili ng awards selection committee bilang Most Outstanding Child-Friendly Barangays para sa 1st Place ang Brgy. Talon IV;2nd Place – Brgy. Talon I;3rd Place – Brgy. Pulanglupa I;4th Place – Brgy. Talon II;5th Place – Brgy. Almanza II; 6th Place – Brgy. Pamplona III at Brgy. Pulanglupa II. (Bhelle Gamboa)
