US VP Kamala Harris bibisita sa Palawan; makikipagpulong din kina Pangulong Marcos at VP Duterte

Nakatakdang dumating sa bansa sa Linggo si US Vice President Kamala Harris.

Kinumpirma sa isinagawang background briefing ng isang US administration official na si Harris ay magkakaroon ng pulong kina Pangulong Ferdinand Marcos Jr. at Vice President Sara Duterte.

Matapos ito ay bibiyahe si Harris patungong Puerto Princesa, Palawan na kalapit lamang ng Spratlys.

Darating sa bansa si Harris sa Linggo (Nov. 20) ng gabi pagkatapos niyang dumalo sa APEC Summit sa Bangkok, Thailand.

Magaganap ang pulong ni Harris kina Pangulong Marcos at VP Duterte kinabukasan, Nov. 21.

Sa Martes naman, Nov. 22 ay bibiyahe na si Harris patungong Puerto Princesa.

Si Harris ang magiging kauna-unahang highest-ranking American official na tatapak sa isla kalapit ng Spratlys. (DDC)