Pumanaw na kandidato nagkamit ng landslide victory sa katatapos na eleksyon sa Pennsylvania
Re-elected ang isang state lawmaker sa Pennsylvania na pumanaw noong nakaraang buwan dahil sa sakit na cancer.
Nagkamit ng landslide victory ang Democrat na si Tony De Luca, sa katatapos na eleksyon.
Si DeLuca ay pumanaw noong Oct. 9 sa edad na 85 dahil sa lymphoma.
Hindi na nahabol na maalis ang kaniyang pangalan sa balota bago ang ginanap na nationwide US legislative elections.
Sa 98 percent na mga balotang nabilang, 86 percent ang nakuhang boto ni DeLuca.
Magdaraos ng special elections para matukoy kung sino ang makakakuha ng puwesto ni DeLuca. (DDC)
