Pangulong Marcos binati ang Pinoy boxer na si Carlo Paalam sa tagumpay sa Asian Elite Boxing Championship
Binati ni Pangulong Ferdinand R. Marcos Jr., si Carlo Paalam matapos magkamit ng gintong medalyang sa Men’s Bantamweight 54kg ng ASBC Asian Elite Boxing Championship.
Ayon sa pangulo, isa na namang Pilipino ang nagtaas ng bandila at nagbigay ng pagkilala sa kakayahan ng atletang Pilipino sa buong mundo.
Sa kaniyang pahayag sinabi ng pangulo na umaasa siyang magsisilbing inspirasyon ang tagumpay ni Paalam para sa marami pang Pilipino na nangangarap ding makapagbigay ng parangal sa bansa.
“Tayo ay nagbibigay pugay sa isa na namang Pilipinong nagtaas ng ating bandila at nagbibigay ng pagkilala sa kakayahan ng atletang Pilipino sa buong mundo,” ayon sa pangulo. (DDC)
