Kumakalat na impormasyon hinggil sa muling pagpapatupad ng NCAP, peke ayon sa MMDA

“Fake news” ang kumakalat na impormasyon sa social media na muling ipatutupad ang No Contact Apprehension Policy o NCAP sa Nov. 15.

Sa inilabas na abiso sinabi ng Metropolitan Manila Development Authority (MMDA) na na peke at hindi nanggaling sa ahensya ang nasabing impormasyon.

Ipinaliwanag ng MMDA na ang operasyon ng NCAP ay sinuspinde mula noong Agosto kasunod ng pagpapalabas ng temporary restraining order ng Supreme Court.

Paalala ng MMDA sa publiko, huwag basta maniwala sa mga natatanggap na mensahe.

Mabuting alamin muna ang pinanggalingan ng impormasyon o iberipika mula sa mga lehitimong sources. (DDC)