Korean singer-actor na si Lee Ji Han kabilang sa nasawi sa stampede sa Itaewon
Kabilang ang South Korean singer-actor na si Lee Ji Han sa mga nasawi sa stampede na naganap sa Seoul noong Oct. 29.
Kinumpirma sa ulat ng Korean media ang pagpanaw ng 24 anyos na aktor matapos itong ihayag ng kaniyang agency na 935 Entertainment.
Si Lee ay naging popular matapos lumahok sa Korean singing competition na “Produce 101” noong 2017.
Una naman siyang gumanap sa web drama na “Today Was Another Nam Hyun Day” noong 2019.
Umabot sa 154 ang naitalang nasawi sa stampede sa Halloween event sa Seoul. (DDC)
