Bagyong papangalang Queenie papasok sa bansa bukas ng umaga
Inaasahang papasok sa bansa bukas ng umaga ang isang tropical depression na nasa labas pa ng Philippine Area of Responsibility (PAR).
Ang bagyo ay papangalanang Queenie ng PAGASA sa sandaling makapasok na sa bansa.
Ayon sa PAGASA, mananatiling tropical depression ang bagyo hanggang sa Martes at maaari pang humina pagsapit ng Miyerkules o Huwebes.
Inabisuhan na ng PAGASA ang publiko at ang disaster risk reduction and management offices na patuloy na mag-monitor at mag-antabay sa mga ilalabas na abiso ng weather bureau hinggil sa nasabing bagyo. (DDC)
