Undas 2022 EO sa Las Piñas, nilagdaan ni Mayor Aguilar
Nilagdaan ni Las Piñas City Mayor Mel Aguilar ang Local Executive Order No. 19 para sa mas maayos na mga aktibidad sa paggunita sa panahon ng Undas sa lungsod.
Ayon sa EO, itinatakda ang oras ng pagbisita sa mga pasilidad ng pampubliko at pribadong sementeryo, memorial park at columbarium o katulad na establisimiyento sa lungsod sa ganap na alas-8:00 ng umaga hanggang 10:00 ng gabi magmula Oktubre 31 hanggang Nobyembre 2.
Ang mga private memorial facilities ay maaaring may mas maikling oras ng pagbisita depende sa kanilang ipinapatupad na mga polisiya.
Magpapatupad ang lokal na pamahalaan ng mga hakbang at pag-iingat maging ng espesyal na mga pamantayan sa loob ng mga sementeryo sa lungsod kasama na rito ang inilatag na traffic, emergency, at peace and order plan. (Bhelle Gamboa)
