Pangulong Marcos iniutos ang pagsuspinde kay BuCor Director General Gerald Bantag

Iniutos ni Pangulong Ferdinand “Bongbong” Marcos Jr. ang pagsuspinde kay Bureau of Corrections (BuCor) Director General Gerald Bantag.

Ito ay kasunod ng napaulat na pagkasawi ng umano’y nagsilbing “middleman” sa kaso ng pagpatay sa brodkaster na si Percy Lapid o Percival Mabasa sa totoong buhay.

Ang nasabing “middleman” na nasa loob ng bilibid ay tinukoy ng sumukong self-confessed gunman.

Subalit ilang oras matapos ang paglutang ng gunman, ay namatay sa loob ng bilibid ang sinasabing middleman.

Ayon kay Justice Sec. Boying Remulla ang pagsuspinde kay Bantay ay habang nagpapatuloy ang imbestigasyon sa kaso.

Sinabi ni Remulla na si dating AFP Chief of Staff Gregorio Catapang ang itinalaga bilang officer-in-charge sa BuCor kapalit ni Bantag. (DDC)