13 istasyon ng EDSA Busway nilagyan ng bus timers

Ikinabit ng Department of Transportation (DOTr) Road Sector, sa tulong ng Metropolitan Manila Development Authority (MMDA), ang mga bus timer sa 13 istasyon ng EDSA Busway.

Kabilang sa nalagyan na ng bus timers ang sumusunod na mga istasyon:

1 Monumento MCU
2 Bagong Barrio
3 Balintawak
4 Muñoz
5 North MRT Station
6 Quezon Avenue MRT Station
7 Q-Mart
8 Main Avenue
9 Ortigas MRT
10 Guadalupe MRT
11 Buendia
12 Taft Avenue
13 Roxas Boulevard

Ayon sa DOTr, bawat bus timer ay mayroong tatlong (3) aspects signal lantern na may two-digit timer, pole, at lighting.

Mayroon din itong traffic signal local controller na may kasamang detector card at loop detectors.

Mayroong 30-seconds na maximum time para sa bawat bus unit upang sila ay makapagsakay at makapagbaba ng pasahero sa mga mga istasyon.

Automatic na mare-reset ang time pagdating ng kasunod na bus.
Maaari pa ring i-calibrate ang mga bus timer at baguhin ang maximum time base sa rekomendasyon ng InterAgency Council for Traffic – IACT (i-ACT) at MMDA.

Ang pagkakabit ng mga bus timer ay naglalayon na mapadali at mas maisaayos ang sistema ng pagsakay at pagbaba ng mga pasahero sa EDSA Busway. (DDC)