Eraserheads may comeback concert sa Disyembre
Kumpirmado nang magkakaroon ng reunion concert ang Eraserheads.
Sa kaniyang Instagram account ibinahagi ni Ely Buendia ang poster para sa concert na idaraos sa Dec. 22, 2022 sa SMDC Festival Grounds sa Parañaque City.
Ang concert ay may titulong “Huling El BImbo”.
Nakatakda pang ianunsyo kung kailan magsisimula ang bentahan ng tickets at kung magkano ang presyo.
Nitong weekend, natuwa ang fans ng naturang grupo dahil nagbahagi ang mga miyembro nito ng letrang “E” sa kanilang mga social media accounts. (DDC)
