Presyo ng kape sa Starbucks tumaas ng P5

Nagpatupad ng dagdag presyo sa kanilang beverages ang Starbucks Philippines.

Inanunsyo ng kumpanya na epektibo kahapon, Sept. 13 ay may dagdag na P5 ang lahat ng kanilang beverages.

Bagaman hindi binanggit ng kumpanya ang dahilan ng pagtataas ng presyo, ipinatupad ito sa kasagagan ng pagtataas ng presyo ng asukal sa bansa dahil sa kakapusan ng suplay.

Sa pahayag ng Starbucks sinabing regular silang nagsasagawa ng review sa presyo ng kanilang mga produkto para mabalanse ang sebisyo sa kanilang customers at pangangailangan ng kanilang negosyo. (DDC)