Supreme Court sessions na nakatakda mula Nov. 5 hanggang Nov. 22, 2022 sinuspinde ng Korte Suprema
Sususpindihin ang pagdaraos ng mga sesyon ng Korte Suprema sa simula Nov. 5 hanggang Nov. 22, 2022 para bigyang-daan ang pagdaraos ng Bar examinations.
Sa notice na inilabas ng Korte Suprema, ito ay para magkaroon ng pagkakataon ang SC na sumentro sa mga aktibidad para sa Bar exams.
Nakasaad din sa notice na ang mga collegiate courts at first and second level courts sa Metro Manila, at mga lungsod na mayroong Local Testing Centers ay isasara sa Nov. 9 at Nov. 16.
Una nang sinabi ng SC na ang bar exams ay isasagawa sa labingapat na Local Testing Centers, kung saan ang lima ay nasa NCR at tigta-tatlong sites sa Luzon, Visayas at Mindanao. (DDC)
