Lalaking umakyat sa tuktok ng billboard sa MRT Boni station nailigtas ng Red Cross
Nailigtas ng mga tauhan ng Philippine Red Cross – Emergency Response Unit ang isang lalaki makaraang umakyat sa tuktok ng billboard sa MRT Boni Ave Station.
Ayon sa Red Cross rumesponde ang kanilang mga tauhan, Sabado (Sept. 10) ng gabi.
Ito ay makaraang matanggap ang ulat na may isang lalaki na namataang nakaupo sa tuktok ng billboard.
Agad nagtungo sa lugar ang ambulance team ng PRC kasama ang 3 first aiders at ang rescue truck team na mayroong 6 na trained emergency response personnel.
Ligtas namang naibaba ang lalaki na nasa maayos namang kondisyon. (DDC)
