Warehouse ng sigarilyo sa Marikina tinupok ng apoy
Nasunog ang warehouse ng sigarilyo sa Barangay Nangka sa Marikina City, Huwebes (Sept. 8) ng madaling araw.
Ayon sa Bureau of Fire Protection, nagsimula ang sunog 2:51 ng madaling araw na umabot ng second alarm.
Nagdulot ng makapal na usok maging sa mga kalapit na barangay ang nasabing sunog.
May mga nagliparan ding mga papel mula sa nasunog na bodega ng sigarilyo.
Patuloy pa ang imbestigasyon ng BFP sa kung ano ang pinagmulan ng apoy.
Naideklarang under control ang sunog 4:00 ng madaling araw. (DDC)
